Мектепке тағзым акциясы

Ақшиман мектебінің 1995 жылғы түлектері мен ауыл азаматтары Бейбіт Бектұрұлы мен Маратбек Өмірбекұлы Мухитов Фархаттың жетекшілігіндегі “Қайса ата” көкпар клубының жас жеткіншектеріне саптама етіктері мен бас киімдерін тарту етті.Біздің жас жеткіншектеріміз болашақта ағаларының қолдап демеуінің арқасында  биік белестерді  бағындырады.

Ұстазадар күні

4 қазан күні Ұстаздар күніне орай мектебіміздің директоры Салтанат Каниевна мен мектеп психологы Жанар Алибаева Май аудандық білім беру бөлімінін Алғыс хаттарымен марапатталды. Ал мектепте мерекеге орай өзін-өзі басқару күні жарияланып,оқушылар ұстаздарға арнаған шағын концерттік бағдарламасын көрсетті.

Мега – Денс конкурсы

25 қыркүйек күні мектебіміздін “Торнадо” би тобы аудандық “Мега Денс” байқауында “Ең нәзік би” номинациясына ие болды.

“Жас маман” форумы

22 қыркүйек күні Қызыл – Еңбек ауылында Май аудандық білім беру бөлімінін ұйымдастыруымен Жас мамандар форумы болып өтті.Форумнын басты мақсаты – жас мамандарды бір-бірімен таныстыру,шығармашылық байланыс орнату.Форум барысында жас мамандар топтарға бөлініп, ұйымдасып өзара сайысқа түсті.Командалар естелік медальдармен марапатталды.

Тілдер апталығы

Қыркүйек айының 9 – ы мен 14- і жұлдыздары аралығында мектебімізде тіл мұғалімдерінің басшылығымен тіл апталығы болып өтті. Апталық барысында шығарма жазу, өлең құрастыру және тағы басқа лингвистикалық сайыстар болып өтті. Сайыстар қызу тартыста өтті.

Латын қарпі бойынша диктант

10 қыркүйек күні мектебімізде латын қарпі бойынша “2019 жыл – жастар жылы” атты ашық диктант алынды. Диктант жазуға мектеп оқушылары мен ұстаздары қатысты. Диктант мақсаты – жаңа әліпбиді меңгеру деңгейін арттыру.

Білім күні

Қыркүйек айының 1-і күні  мектебімізде 2019-2020 оқу жылының алғашқы қоңырауы соғылды.  “Сыңғырла, күміс қоңырау” атты мерекелік  іс-шарадан соң әр сыныпта  “Саналы ұрпақ-жарқын болашақ” атты  жалпы республикалық азаматтық және  патриоттық сабақтар өткізілді.   

Тамыз конференциясы-2019ж

Тамыз айының 29-ы күні аудандық тамыз конференциясында мектеп директоры Салтанат Қаниқызы Май аудандық мәслихатының Құрмет грамотасымен , еңбек пәні мұғалімі Нұрбек Балтабекұлы аудан әкімінің Алғыс хатымен марапатталды.

Май Жібек жолы

Май ауданының 80 жылдық мерейтойы қарсаңында “Май Жібек жолы”  керуені ұйымдастырылды.  Үш күнге созылған шара  Көктөбе- Ақшиман-Торайғыр  бағытында өрбіді.